Gegen Eliten und Sunniten
Die Fasnacht ist vorbei, 420 Tonnen Räppli und Abfall wurden entsorgt und 368 weggeräumte Velos wieder abgeholt. Es trommelt und pfeift noch in den Ohren und einmal mehr bleibt rückblickend nichts weiter zu tun, als vor den Schnitzelbangg-Meistern den Hut zu ziehen.
Neben ein paar langweiligen Dingen (wer findet eigentlich Witze über "Neger", Brüste, Vegetarierinnen und Baschi Dürrs Glatze noch lustig?) wurden viele grossartige Bängg vorgetragen. Einer ging besonders unter die Haut und fand – zumindest im Stadttheater – ein williges Publikum.
"D’Brunzguttere" schlugen zum Ende ihres Auftritts einen leisen Ton an:
(Melodie: "Que Sera Sera")
Alles isch gross und luut und schnäll
D Wält isch hüt riesig und mir sin so glai
Überall Krise vo d Stimmig vermiese
Numme nid do dehei.
S bruucht e Haag, e Haag
Mir baue e Haag, e Haag
Und gniesse dr Daag, dr Daag
Mit em Haag, em Haag!
(Melodie: "Dr Sidi Abdel Assar vo El Hama")
Händ ihr das gwüsst, do fangt me sich jo Gschwür ih
And Fasnacht kömme schiins au Lüüt us Züüri
Mit Auto, Tram und Zug, sogar per Charterflug
Si renne uns in Basel jedi Tüür ih.
Am Morgestraich ischs meistens nur e Schwetti
Vo Einzelgänger: Stilli und Adretti
Bim Cortège isch denn scho
Die ganz Familie doo
Und alli wärfe kreischend mit Konfetti.
Drnäbe stöhn Chineese und Inder
Spanifle uf Orange mit de Kinder
E riese Huffe Lüt
Und d Basler griege nüt
Will d Kinder vo de Inder die sin gschwinder!
(Melodie: "Mini Farb und dini")
Mini Angscht und dini
das sind zämme zwei
wäres 3, 4, 5, 6, 7
wo enand ind Höchi triibe
wird e Panik gschobe
wo sich kah lo gseh.
Gsehsch dä dört wone Turban het
Weisch dass dä dini Arbet wett!
S bruucht e Haag, jawoll! s bruucht e Haag,
s bruucht e Haag!
(Melodie: "Die Affen rasen durch den Wald ...")
Dr Yussuf isch e fräche Burscht
Er isst bis hüt kei Schwiinsbrootwurscht
Die ganzi Affebandi brüllt: Jetzt isch gnueg!
Mir wänn d Araber duss!
Mir wänn d Araber duss!
Jetzt isch Schluss mir wänn d Araber duss!
(Melodie: "If you're happy and you know it")
Wenn de sicher bisch wär tschuld isch, klatsch ind Händ!
Wenn de sicher bisch wär tschuld isch, klatsch ind Händ!
Sin’s Schmarotzer oder Fuuli
Sin’s die Linke oder Schwuuli
Sin’s die Nätte oder Fätte, klatsch ind Händ!
Geg d`Elite und Sunnite, klatsch ind Händ!
Geg d`Elite und Sunnite, klatsch ind Händ!
Geg Beamti oder Zwitter
Gege Mensche ohni Twitter
Gege Richter oder Dichter, klatsch ind Händ!
Hesch verstande was mir singe, klatsch ind Händ!
Hesch verstande was mir singe, klatsch ind Händ!
(Langsamer ...:)
Wenn eim dr Buuch statt s Hirni längt
Klatscht me schnäller als me dänggt
Mir sin am Änd dir könnet klatsche –
Wenn dir wännd!
Es wurde viel geklatscht bei diesem Auftritt am Montagabend. Und weiss Gott nicht erst am Schluss ...
Saali zämme!
(Der Bangg steht – neben vielen anderen – auch als Audio auf srf.ch zur Verfügung.)
13. März 2017
